Leiðbeiningar fyrir þig sem hyggst sækja um

Hver getur sótt um?

Norrænn jafnréttissjóður beinir sér að breiðum markhópi og tekið er við umsóknum frá margbreytilegum hópi stofnana og samtaka, eins og til dæmis:

• Frjálsum félagasamtökum
• Tengslanetum
• Opinberum stofnunum og annarri opinberri starfsemi (til dæmis sveitarfélögum og deildum eða eininga innan háskóla)
• Aðilum eða samtökum sem ekki eru með rekstur í hagnaðarskyni (non-commercial)
• Fyrirtækum (litlum og meðalstórum)

Hvert verkefni verður að innihalda að minnsta kosti þrjú af eftirfarandi löndum:

• Danmörk
• Færeyjar
• Finnland
• Grænland
• Ísland
• Noregur
• Svíþjóð
• Álandseyjar

Verkefni sem felur í sér samstarf við samtök í nágrannalöndum, þ.e. Eistland, Lettland og Litháen, verða að hafa að minnsta kosti tvö norræn lönd sem taka þátt. Aðalumsóknaraðili verður að koma frá norrænu landi. Að öðru leyti á núverandi stefna Norrænu ráðherranefndarinnar um samstarf við lönd utan Norðurlanda við á öllum tímum.

Jafnréttissjóðurinn veitir aðeins styrki fyrir aðgerðir sem hefjast eftir að ákvörðun um fjárstuðning hefur verið tekin.

Hámarks tímalengd aðgerðar er 2 ár (24 mánuðir).

Fyrir hverskonar starfsemi eða verkefni eru styrkirnir ætlaðir?

Eftirfarandi tegundir starfsemi eða verkefna eru styrkt:

• Skipulagning norrænna samkoma eða hittinga
• Úttektir
• Bygging tengslaneta
• Verkefni sem tengjast innra starfi deilda, stofnana eða félagasamtaka
• Þátttaka frjálsra félagasamtaka í norrænum eða alþjóðlegum ráðstefnum/námskeiðum/fundum

Fjárstuðningur er ekki veittur fyrir verkefni:

• sem þegar eru í gangi
• með aðgerðum sem þegar hafa verið mótteknar eða sem leita eftir fjárstuðningi MR-JÄM eða öðrum sviðum innan Norrænu ráðherranefndarinnar
• sem fela í sér samtök stjórnmálaflokka
• þar sem samstarfsaðilar eru einstaklingar
• sem hafa það markmið að stuðla að fjárhagslegum ávinningi eða samsvarandi fyrir styrkþega
• sem uppfylla ekki kröfur um að minnsta kosti þrjú mismunandi aðildarsamtök frá að minnsta kosti þremur mismunandi löndum eða eru ekki í samræmi við kröfurnar sem lýst er hér að ofan fyrir þau lönd sem um ræðir
• sem senda fjárhagsáætlun í öðrum gjaldeyri en dönskum krónum
• Sem senda umsóknir eftir skilafrest
• sem senda ókláraða umsókn (allir skyldureitir eru óútfylltir eða umsóknir eru án nauðsynlegra meðfylgjandi gagna)
• sem fela í sér samtök stjórnmálaflokka
• þar sem samstarfsaðilar eru einstaklingar
• sem hafa það markmið að stuðla að fjárhagslegum ávinningi eða samsvarandi fyrir styrkþega
• sem uppfylla ekki kröfur um að minnsta kosti þrjú mismunandi aðildarsamtök frá að minnsta kosti þremur mismunandi löndum eða eru ekki í samræmi við kröfurnar sem lýst er hér að ofan fyrir þau lönd sem um ræðir

---

Hversu mikið er hægt að sækja um?

Upphæð sem sótt er um skal vera á bilinu 50 000 og 500 000 danskar krónur (DKK).

Fjárhagsáætlun ska fylgja umsókn þar sem allir kostnaðarliðir og heildarupphæð eiga að vera gefin upp í dönskum krónum. Eigið framlag og heildarskotnaður skulu vera skýrt tilgreinidir í fjárhagsáætlun. Í fjárhagsáætlun skal skýra nákvæmlega hvaða útgjöldum upphæðin sem sótt er um styrk fyrir er ætlað að mæta með tilliti til heildarkostnaðar verkefnis.

Sérstök endurskoðun er ekki nauðsynleg fyrir lokayfirlit yfir verkefni, en verkefnastjórar ættu að halda yfirlitum sínum í lagi, þannig að utanaðkomandi endurskoðun ætti auðvelt með að fá yfirsýn yfir fjármálastjórnun verkefnisins.

Styrkir verða ekki veittir fyrir endurskoðanir eða ferðakostnað (nema um sé að ræða ferðakostnað fyrir fulltrúa sjálfboðasamtaka/samtaka sem ekki eru rekin með hagnaði og boðnum ræðumönnum).

Ekki er hægt að veita stuðning vegna óbeins kostnaðar, eins og laun fyrir stuðningsaðgerðir og rekstrarkostnað eins og leigu, rafmagn og upplýsingatækni.

---

Hvernig metum við umsóknirnar?

Í umsókninni skal gert grein fyrir því hversu vel verkefnið mætir kröfunum sem tilgreindar eru hér að neðan:

a. Norrænn hagur

Með norrænum hag er átt við að hvaða marki verkefnið:

• Getur af sér áþreifanleg og jákvæð áhrif sem verður fyrir tilstilli norræns samstarfs í samanburði við þau áhrif sem hefðu náðst ef verkefnið hefði aðeins verið unnið á landsvísu. 
• Sýnir fram á og þróar norrænan félagsskap, samkennd og samstöðu innan sem utan svæðisins.
• Stuðlar að nýjum innviðum sem styrkja og bæta norrænt samstarf í jafnréttismálum.
• Mætir á uppbyggjandi hátt áskorunum sem fylgja norrænu samstarfi, eins og til dæmis hindrunum á landsvísu eða mismun milli landanna.

Að þessu leyti fer matið eftir því hversu vel umsóknirnar:

• Færa rök fyrir kostum þess að vinna verkefnið í norrænu samstarfi.
• Gera grein fyrir mati þátttakenda á hvort tveggja ágóða og áskorunum þeim sem þau telja að felist í samstarfi sem nær yfir landamærin.  

b. Jafnréttispólitískur ágóði

Með jafnréttispólitískum ágóða er átt við að hvaða marki verkefnið:

• Miðar að því að mæta vandamálum tengdum misrétti milli kvenna og karla, stúlkna og drengja. Til dæmis með því að ávarpa aðstæður sem skilyrða möguleika þeirra og mátt til að til að haga lífi sínu þannig að það sé þeim sjálfum til framdráttar og til hagsbóta fyrir samfélagið í heild.
• Stuðlar að nýjungum eða breytingum og/eða deilingu á reynslu, þekkingu, aðferðum eða líkönum er varða kynjamisrétti/jafnrétti.
• Stuðlar að því að ávarpa og mæta þeim áskorunum sem koma í ljós í norrænu samstarfi um jafnréttismál.

Að þessu leyti miðar mat umsókna við hversu vel þær:

• Greina og lýsa vandamálum sem tengjast því kynjamisrétti sem samstarfsaðilar hafa borið kennsl á og verkefninu er ætlað að ávarpa og mæta.
• Útlista þann skilning sem samstarfsaðilar hafa á viðkomandi vandamálum útfrá fræðilegri þekkingu og/eða reynslu.
• Bera vitni um þekkingu á vinnu sem þegar hefur verið unnin á sviðinu, þar með talið á þekkingu og rannsóknum tengdum vandamálinu sem verkefninu er ætlað að ávarpa og mæta. Í ljósi þess skal skýrt hvernig verkefnið mun stuðla að breytingum á eða viðbót við þá þekkingu sem þegar er til staðar.

c. Sjálfbærni/langtímasjónarmið

Með sjálfbærni er átt við í hvaða mæli:

• Þróun og framkvæmd verkefnisins opnar möguleika annarra á að tileinka sér niðurstöður þess og draga lærdóm af hvort tveggja árangri sem náðst hefur og erfiðleikum við vinnslu verkefnisins.
• Vænst er þess að niðurstöður og framlög hafi varanleg áhrif, meðal annars með því að  innviðir og afurðir verkefnisins eins og til dæmis tengslanet, vefsvæði, skýrslur og fleira séu gerð varanleg og verði aðgengileg viðeigandi markhópum. 

Að þessu leyti miðast mat umsókna við það hversu vel þær:

• Skýra hvernig og til hvaða markhópa samstarfsaðilar ætla sér að miðla upplýsingum um verkefnið og niðurstöður þess. Sömuleiðis hvernig áætlað er að halda þessum upplýsingum til haga þannig að þær séu aðgengilegar viðeigandi markhópum eftir að verkefninu lýkur.

d. Framkvæmd

Með framkvæmd er átt við:

• Í ljósi hæfni og reynslu umsækjenda, hversu líklegt er að verkefnið verði framkvæmt með þeim hætti sem umsækjendur hafa tilgreint í umsókninni?
• Hvaða forsendur hafa umsækjendur og samstarfsaðilar til að geta unnið saman? Tilgreinið að hvaða leyti samstarfsaðilar að umsókninni leggja af mörkum mismunandi hæfni, sjónarmið og reynslu og hvernig þau vega upp á móti hvort öðru og mynda góða heild.

Að þessu leyti miðar mat umsókna við það hversu vel þær:

• Skýra hvernig samstarfsaðilar ætla að fara að því að mæta þeim vandamálum sem hafa verið greind. Gera skal grein fyrir og rökfæra val á aðferðfræði og verklagi með tilliti til þeirra niðurstaðna sem verkefninu er ætlað að ná og þeim lærdómi sem hægt er að draga í kjölfarið. 
• Skýra hvað aðalumsækjandi og samstarfsaðlilar leggja af mörkum til verkefnisins og tilgreina  reynslu af svipuðu samstarfi ef hún er til staðar.  

e. Trúverðugleiki fjárhagsáætlunar

Í umsókninni skal gert ráð fyrir eigin framlagi eða öðrum fjárveitingum sem nemur að minnsta kosti 20% af heildarkostnaði verkefnisins.  Eigið framlag eða aðrar fjárveitingar geta verið í formi styrkja, sjálfboðavinnu, þátttökugjalds eða óbeinna kostnaða.

Upphæð sem sótt er um skal vera á bilinu 50 000 og 500 000 danskar krónur (DKK).

Fjárhagsáætlun skal fylgja umsókn sem viðhengi og allir kostnaðarliðir og heildarupphæð skulu vera gefin upp í dönskum krónum. Eigið framlag og heildarkostnaður verða að vera skýr í fjárhagsáætlun.  Í fjárhagsáætlun skal nákvæmlega lýst hvað hver kostnaðaliður dekkar. Styrkir eru ekki veittir til að dekka kostnað við endurskoðun eða ferðalög (með undantekningu hvað varðar ferðakostnað fulltrúa frjálsra félagasamtaka eða boðinna fyrirlesara).

Styrkur er ekki veittur vegna óbeinna kostnaðarliða svo sem launa eða niðurgreiðslna hverskonar og annars rekstrarkostnaðar (til dæmis vegna leigu, rafmagns eða tölvutækni).  

---

Hvernig gengur umsóknarferlið fyrir sig?

Allar umsóknir eru metnar af matshópi NIKK, sem samanstendur af fólki með fjölbreytta hæfni og bakgrunn. Matshópurinn metur umsóknir útfrá ofangreindum skilyrðum og tekur þannig ákvörðun um styrkveitingu. Embættismannanefnd Norrænu ráðherranefndarinnar um jafnréttismál hefur síðan neitunarvald. Ekki er hægt að kæra niðurstöðuna. Ef þörf krefur mun matshópurinn biðja umsækjendur um viðbótarskýringar meðan á matsferlinu stendur.

Upplýsingar um ákvörðun sjóðsins varðandi styrkveitingu

NIKK miðlar ákvörðun sjóðsins um styrkveitingu til umsækjenda í tölvupósti eftir að ákvörðun hefur verið tekin og embættismannanefnd Norrænu ráðherranefndarinnar um jafnréttismál hefur verið gefinn kostur á að beita neitunarvaldi sínu.

---

Fyrir þig sem hlýtur styrk

Greiðslur

Starfsemi sem hlýtur styrk skal gera samning við NIKK sem fylgir ákveðnu ferli. Eftir að samningur hefur verið undirritaður er styrkurinn greiddur út til styrkþega. Styrkþegi getur reiknað með því að útborgun eigi sér stað í fyrsta lagi einum mánuði eftir að beiðni um greiðslu hefur verið send.

Miðað er við að 75 prósent af heildarupphæð veitts styrks greiðist út eftir undirritun samnings við upphaf verkefnisins og þau 25 prósent sem eftir eru greiðast út eftir að lokaskýrslan hefur verið samþykkt. 

Aðalábyrgðaraðili verkefnisins (höfuðumsækjandi) ber ábyrgð á því að skila lokaskýrslu (sjálfsmati) og fjárhagsuppgjöri í síðasta lagi tveimur mánuðum eftir að verkefninu lýkur. Ónýttur hluti styrks skal endurgreiddur til NIKK.

Samstarf og miðlun 

NIKK óskar eftir nánu samstarfi við styrkþega. Við viljum eiga í samræðu við samstarfsaðila meðan á verkefninu stendur og fá þannig innsýn í ferlið. Meðal annars viljum við fá aðgang að efni og niðurstöðum sem verða til við framvindu verkefnisins til þess að geta síðan miðlað mikilvægri þekkingu  áfram til norrænna samstarfsaðila og annarra viðeigandi aðila. Ef möguleiki er fyrir hendi, viljum við gjarnan fá að taka þátt í eða vera viðstödd uppákomur eða atburði sem eru skipulagðir í tengslum við verkefnið.

NIKK vinnur markvisst að því að miðla tengslum milli styrkþega og annarra mögulegra samstarfsaðlia sem tengjast málaflokknum um jafnrétti á norðurlöndum og geta nýst verkefninu og markmiðum þess.

Á heimasíðunni nikk.no er hægt að nálgast gagnagrunn með lýsingu á öllum verkefnum sem hafa hlotið styrk. Styrkþegar bera sjálfir ábyrgð á því að senda inn rétta lýsingu á verkefni sínu.

Samskipti ykkar við NIKK varðandi verkefnið fer fram í gegnum tölvupóst á netfangið nikk@genus.gu.se

Almannatengsl og miðlun

Tilgreinið að Norræna ráðherranefndin sé styrktaraðili verkefnisins þegar þið miðlið upplýsingum um verkefnið. Notið myndmerki Norrænu ráðherranefndarinnar þegar möguleiki gefst, til dæmis á boðskort og annað efni sem ætlað er til dreifingar, hvort sem það er á stafrænu formi eða prentað efni. Myndmerkinu er hægt að hlaða niður hér.

Notið myllumerkið #NordicEquality þegar þið dreifið upplýsingum um verkefnið á samfélagsmiðlum.

Lokaskýrsla

Þegar verkefninu er lokið skal skila inn lokaskýrslu til NIKK. Aðalumsækjandi verkefnisins ber ábyrgð á því að senda lokaskýrslu (sjálfsmat) og fjárhagsyfirlit til NIKK ekki seinna en tveimur mánuðum eftir verkefnislok. Greiða skal ónýttan fjárstyrk aftur til NIKK.

Lokaskýrslan skal meðal annars tilgreina:

• Hvernig þjónar verkefnið norrænum hag og samstarfi?
• Hvaða jafnréttispólitíska ágóða hefur verkefnið stuðlað að?
• Hverju hefur verkefnið stuðlað að (til dæmis varanlegar afurðir, þekking, verkferlar og rútínur)?
• Hvernig hefur hefur upplýsingum um starfsemina/verkefnið verið dreift (til hversu margra einstaklinga/landa hefur upplýsingum verið miðlað, til hvaða markhópa og eftir hvaða farvegum)?
• Hvernig mun upplýsingum um samstarfið og niðurstöðum verkefnisins verða miðlað í framhaldinu og hvernig munu þær upplýsingar nýtast styrkþegum (stofnunum eða samtökum sem stóðu að verkefninu) í framtíðinni?  
• Hverjir eru mikilvægustu lærdómarnir sem hægt er að draga af vinnu verkefnisins?