Viðmiðunarreglur

Markmið og viðmið

Markmið sjóðsins er að efla norrænt samstarf á sviði jafnréttismála innan ramma norrænnar samstarfsáætlunar um jafnréttis- og hinsegin málefni 2025-2030 og forgangsröðun hennar.

Styrkur er veittur til verkefna sem fela í sér bæði norrænan hag og jafnréttispólitískan ávinning. Ákvörðun kann að verða tekin um tiltekin þemu sem eru í forgangi við hverja styrkauglýsingu. Slík sjónarmið eru metin aukreitis við hinar grundvallandi viðmiðunarreglur um styrkumsóknir.

Umsóknir til sjóðsins geta einnig þurft að tilgreina hvort og hvernig þau feli í sér gildandi stefnumál og aðgerðaráætlanir norrænnar samvinnu.

Allar umsóknir verða metnar út frá því hvernig þær mæta eftifarandi kröfum og áherslum:

Leiðarvísir

• Norrænn hagur
• Jafnréttispólitískur ávinningur
• Sjálfbærni/langtímasjónarmið
• Framkvæmd
• Trúverðuleiki fjárhagsáætlunar
• Viðmiðunarkröfur starfsemis og styrkþega
• Umsóknir og tímamörk
• Úthlutun, samningur og skýrslugerð

a) Norrænn hagur

Með norrænum hag er átt við að hvaða leyti og í hve miklu mæli verkefnið:

• getur af sér áþreifanleg og jákvæð áhrif sem verða til fyrir tilstilli samstarfs í samanburði við þau áhrif sem hefðu náðst ef verkefnið hefði aðeins verið unnið á landsvísu.
• sýnir fram á og þróar norræn tengsl innan sem utan svæðisins.
• stuðlar að nýjum innviðum sem styrkja og bæta norrænt samstarf í jafnréttismálum.
• mætir á uppbyggjandi hátt áskorunum sem fylgja norrænu samstarfi, eins og til dæmis hindrunum á landsvísu eða mismun milli landanna.

Að þessu leyti fer matið eftir því hversu vel umsóknirnar:

• færa rök fyrir kostum þess að vinna verkefnið í norrænu samstarfi.
• gera grein fyrir mati þátttakenda á bæði kostum og áskorunum sem þau telja að felist í samstarfi sem nær yfir landamærin.

b) Jafnréttispólitískur ávinningur

Með jafnréttispólitískum ávinning er átt við að hvaða marki verkefnið:

• miðar að því að mæta vandamálum tengdum misrétti milli kvenna og karla, stúlkna og drengja sem og mismun sem skilyrðir möguleika þeirra og mátt til að haga lífi sínu þeim sjálfum til framdráttar og til hagsbóta fyrir samfélagið í heild.
• stuðlar að nýjungum eða breytingum og/eða deilingu reynslu, þekkingar, aðferða eða líkana er varða kynjamisrétti/jafnrétti.
• miðar að því að ávarpa og mæta þeim áskorunum sem tilgreindar eru í norrænu samstarfsáætluninni jafnréttis- og hinsegin málefni 2025-2030.

Að þessu leyti miðar mat umsókna við hversu vel þær:

• greina og lýsa vandamálum sem tengjast því kynjamisrétti sem samstarfsaðilar hafa borið kennsl á og verkefninu er ætlað að ávarpa og mæta.
• útlista þann skilning sem samstarfsaðilar hafa á viðkomandi vandamálum útfrá fræðilegri þekkingu og/eða reynslu.
• bera vitni um þekkingu á þeirri vinnu sem þegar hefur verið unnin á sviðinu, þar með töldum fræðilegri þekkingu og rannsóknum tengdum vandamálinu sem verkefninu er ætlað að ávarpa og mæta. Í ljósi þess er umsækjendum gert að skýra hvernig verkefnið mun stuðla að breytingum á eða viðbót við þá þekkingu sem þegar er til staðar.

c) Sjálfbærni/langtímasjónarmið

Með sjálfbærni er átt við í hvaða mæli:

• þróun og framkvæmd verkefnisins opnar möguleika fyrir aðra að tileinka sér niðurstöður þess og draga lærdóm af hvort tveggja árangri sem náðst hefur og erfiðleikum við vinnslu þess.
• vænst er þess að niðurstöður og framlög hafi varanleg áhrif, meðal annars með því að innviðir og afurðir verkefnisins einsog til dæmis tengslanet, vefsvæði, skýrslur og fleira séu gerð varanleg og aðgengileg viðeigandi markhópum.

Að þessu leyti miðast mat umsókna við það hversu vel þær:

• skýra hvernig og til hvaða markhópa samstarfsaðilar ætla sér að miðla upplýsingum um verkefnið og niðurstöður þess. Sömuleiðis hvernig áætlað er að halda þessum upplýsingum til haga þannig að þær séu aðgengilegar viðeigandi markhópum eftir að verkefninu lýkur.

d) Framkvæmd

Með framkvæmd er átt við:

• hversu líklegt það er, í ljósi hæfni og reynslu umsækjenda, að verkefnið verði framkvæmt með þeim hætti sem umsækjendur hafa tilgreint í umsókninni.
• hvaða forsendur umsækjendur og samstarfsaðilar hafa til að geta unnið saman. Gera skal grein fyrir hvaða hæfni, sjónarmið og reynslu hver samstarfsaðili að umsókninni leggur af mörkum og hvernig þau vinna saman, vega upp á móti hvoru öðru og mynda heild.

Að þessu leyti miðar mat umsókna við það hversu vel þær:

• skýra hvernig samstarfsaðilar mæta þeim vandamálum sem hafa verið greind. Gera skal grein fyrir og færa rök fyrir vali á aðferðafræði og verklagi með tilliti til þeirra niðurstaðna sem verkefninu er ætla að ná og þeim lærdómi sem yrði hægt að draga í kjölfarið.
• skýra hvað aðalumsækjandi og samstarfsaðilar leggja af mörkum til verkefnisins og tilgreina reynslu af svipuðu samstarfi sé hún til staðar.

e) Trúverðuleiki fjárhagsáætlunar

Í umsókn skal gert ráð fyrir eigin framlagi eða öðrum fjárveitingum sem nemur að minnsta kosti 20% af heildarkostnaði verkefnis. Eigið framlag eða aðrar fjárveitingar geta verið í formi styrkja, sjálfboðavinnu, þátttökugjalds eða óbeins kostnaða.

Upphæðin sem sótt er um skal vera á bilinu 50 000 og 500 000 danskar krónur (DKK)

Fjárhagsáætlun ska fylgja umsókn þar sem allir kostnaðarliðir og heildarupphæð eiga að vera gefin upp í dönskum krónum. Eigið framlag og heildarskotnaður skulu vera skýrt tilgreinidir í fjárhagsáætlun. Í fjárhagsáætlun skal skýra nákvæmlega hvaða útgjöldum upphæðin sem sótt er um styrk fyrir er ætlað að mæta með tilliti til heildarkostnaðar verkefnis.

Sérstök endurskoðun er ekki nauðsynleg fyrir lokayfirlit yfir verkefni, en verkefnastjórar ættu að halda yfirlitum sínum í lagi, þannig að utanaðkomandi endurskoðun ætti auðvelt með að fá yfirsýn yfir fjármálastjórnun verkefnisins.

Styrkir verða ekki veittir fyrir endurskoðanir eða ferðakostnað (nema um sé að ræða ferðakostnað fyrir fulltrúa sjálfboðasamtaka/samtaka sem ekki eru rekin með hagnaði og boðnum ræðumönnum).

Ekki er hægt að veita stuðning vegna óbeins kostnaðar, eins og laun fyrir stuðningsaðgerðir og rekstrarkostnað eins og leigu, rafmagn og upplýsingatækni.

Styrkir eru ekki veittir til verkefna sem hafa það að markmiði að skapa fjárhagslegan ávinning eða samsvarandi fyrir styrkþega.

Starfsemi sem hlýtur styrk getur átt von á því að fá úthlutað lægri heildarupphæð en þeirri sem sótt var um eða að hljóta aðeins styrk fyrir hluta af umsókninni. Í slíkum tilfellum þarf samningsgerðin endurskoðun á verkefna- og fjárhagsáætluninni með tilliti til þeirrar upphæðar sem veitt er.

---

Viðmiðunarkröfur starfsemis og styrkþega

Eftirfarandi starfsemi á kost á að hljóta styrk:

• Skipulagning norrænna samkoma eða hittinga.
• Þekkingarsköpun
• Myndun tengslaneta
• Verkefni sem tengjast innra starfi stofnana eða félagasamtaka
• Þátttaka frjálsra félagasamtaka í norrænum eða alþjóðlegum ráðstefnum/námskeiðum/fundum

Jafnréttissjóðurinn beinir sér að breiðum markhópi og tekur á móti umsóknum um styrki frá ýmsum stofnunum og starfsemi, meðal annars frá:

• frjálsum félagasamtökum
• tengslanetum og hagsmunasamtökum
• opinberum stofnunum og annarri opinberri starfsemi
• aðilum sem ekki stunda rekstur í hagnaðarskyni.
• litlum og meðalstórum fyrirtækjum

Að hverju verkefni verða að koma að aðilar frá að minnsta kosti þremur af eftirtöldum löndum:

• Danmörk
• Finnland
• Færeyjar
• Grænland
• Ísland
• Noregur
• Svíþjóð
• Álandseyjar

Verkefni sem felur í sér samstarfsaðila frá Eistlandi, Lettlandi eða Litháen, getur komið að verkefnum sem fela í sér þátttöku að minnsta kosti tveggja norrænna landa/svæða. Aðalumsækjandi skal vera frá norrænu landi/svæði. Að öðru leyti gildir sú stefna Norrænu ráðherranefndarinnar um samstarf við önnur ríki en Norðurlönd sem ríkjandi er hverju sinni. 

Stofnanir sem heyra undir eða eru að hluta til fjármagnaðar af norrænu samstarfi geta komið að verkefni en koma ekki í stað stofnunnar samkvæmt kröfunum sem nefndar eru hér að ofan. Þeirra þátttaka verður ekki fjármögnuð með styrkfjármagni.

Sjóðurinn fjármagnar verkefni sem hefjast í síðasta lagi sex mánuðum frá undirritun samnings  og lýkur í síðasta lagi tveimur árum frá undirritun samnings. Verkefni sem hefjast áður en samningur er undirritaður fá ekki styrkúthlutun.

---

Umsóknir og tímamörk

Umsóknir skulu annað hvort skrifaðar á einhverju skandínavísku tungumálanna (sænsku, dönsku eða norsku) eða ensku á þar til gert rafrænt umsóknareyðublað sem finna má á heimasíðu NIKK (www.nikk.no). Rafrænt umsóknarkerfi verður gert aðgengilegt á NIKK u.þ.b. mánuði fyrir síðasta umsóknardag.

Með umsókn um styrk skal fylgja bæði verkefna- og fjárhagsáætlun fyrir fyrirhugaða starfsemi. Í umsókninni skal einn af umsækjendunum tilgreindur sem aðalábyrgðaraðili verkefnis.

---

Úthlutun, samningur og skýrslugerð

NIKK miðlar ákvörðun sjóðsins um styrkveitingu til umsækjenda í tölvupósti eftir að ákvörðun hefur verið tekin og embættismannanefnd Norrænu ráðherranefndarinnar um jafnrétti og hinsegin málefni hefur verið gefinn kostur á að beita neitunarvaldi sínu. Ekki er hægt að kæra ákvörðunina.

Verkefni sem hljóta styrk skulu gera samning við NIKK samkvæmt sérstökum verklagsreglum. Útborgun getur átt sér stað þegar samningurinn hefur verið undirritaður.

Miðað er við að 75 prósent af heildarupphæð veitts styrks greiðist út eftir beiðni um útgreiðslu á styrk í upphafi verkefnisins og að afgangur upphæðinnar, allt að 25 prósent, greiðist út eftir að lokaskýrslan hefur verið samþykkt.  

Aðalábyrgðaraðili verkefnisins (höfuðumsækjandi) ber ábyrgð á því að skila lokaskýrslu (sjálfsmati) og fjárhagsuppgjöri í síðasta lagi tveimur mánuðum eftir að verkefninu lýkur. Ónýttur hluti styrks skal endurgreiddur til NIKK. 

Lokaskýrsla skal meðal annars gera grein fyrir:

• mikilvægust lærdómarnir sem hægt er að draga af verkefninu
• að hvaða leyti verkefnið hefur þjónað norrænum hag
• hvaða jafnréttispólitíska ávinning verkefnið hefur stuðlað að
• hverju verkefnið hefur áorkað (t.d. varanleg áhrif og afurðir í formi þekkingar og verkferla)
• hvernig upplýsingum um starfsemina/verkefnið hefur verið dreift (til hversu margra einstaklinga/landa hefur upplýsingum verið miðlað, til hvaða markhópa og eftir hvaða farvegum)
• hvernig upplýsingum um samstarfið og niðurstöðum verkefnisins verður miðlað í framhaldinu og hvernig þær upplýsingar munu nýtast styrkþegum (stofnunum eða samtökum sem stóðu að verkefninu) í framtíðinni
• mikilvægust lærdómarnir sem hægt er að draga af verkefninu