Nunat Avannarliit Siunnersuisoqatigiiffiat Nunani Avannarlerni LGBTI-nut aningaasaateqarfik 2026 aqqutigalugu siunertalimmik nalunaaruteqarpoq, ukioq manna nalunaarummi qinnuteqartut pingaarnertut Savalimmiuneersut, Kalaallit Nunaanneersut imaluunniit Ålandimeersuusut pingaarnerutinneqassapput.
Nunani Avannarlerni najugaqartut inuuniarnermikkullu unammillernartorsiortut LGBTI-imit aningaasaliiffigineqarnissaminnik periarfissaqarput. Savalimmiuneersut, Kalaallit Nunaanneersut aammalu Ålandimeersut tapersersorneqarnissaminnik periarfissakissinnaasarput attaveqaatissaminnilluunniit amingaateqarlutik. Aammattaarlu ilisimasat LGBTI-mut tunngassuteqartuy inuiaqatigiinni Savalimmiuneersunit, Kalaallit Nunaanneersunit aammalu Ålandimeersunit annikissinnaasarlutik, suliassaqarnermi pilersaarusiorniarnikkut ilusilersuiniarnikkullu ilungersunarsinnaasarlutik.
2021-imiilli Nordisk LGBTI Fond-ip suliniutinut aningaasaliiffigisai Nunani Avannarlerni LGBTI-nut pisinnaatitaaffiisa nalingiinnerulernissaannut killilersuisuusut aaqqissuuteqarfiginiarpai. Aaliagersimasumik qulequtaqarluni suliniutit aningaasaliiffigineqarsimasut akornanni Savalimmiuniit, Kalaallit Nunaanniit aammalu Ålandimiit amerlanngillat Nunanit Avannarlernit allanit peqataasartunut naleqqiullugit.
Taamaattumik Nunat Avannarliit Killiit Siunnersuisoqatigiiffiat aalajangerpoq, Nunat Avannarliit LGBTI-ip aningaasaateqarfian 2026 aqqutigalugu suliniutinut siunertaqartunut aningaasanik qinnuteqarnissamut kaammattuineq atuutilersinneqassasoq. Ukioq manna qinnuteqarnissamut kaammattuinermi qinnuteqaatit pingaarnertut Savalimmiuniit, Kalaallit Nunaanniit imaluunniit Ålandimeersuuppata qinnuteqaatit pingaarnerutinneqassapput. Aaliagersimasumik qulequtaqarluni suliassanut projektimut tapiiffigineqarnissamik qinnuteqartoq nunani avannarlernit allaneersuuppata aningaasaateqarfimmut qinnuteqarnissamut aamma tikilluaqqusaapput.
Qinnuteqarnissamut piumasaqaataasut makkuussapput:
Nunani Avannarlerni peqatigiiffinnik suliniuteqaqatigiiffinnik ujaasivugut ilisimasaqarnerulerusuttunik, sulinermi periutsut aammalu naapeqatigiiffiusinnaasunik – Nunat Avannarliit akornanni suleqatigiikkusuttunik.
Aaliagersimasumik qulequtaqarluni suliniummi projektimi minnerpaamik kattuffiit assigiinngitsut pingasut nunani avannarlerni assigiinngitsuneersut peqataassapput (imaluunniit nunani avannarlerni minnerpaamik nunat marluk, nuna ataaseq Estlandimiit, Letlandimiit imaluunniit Litauenimiit).
Ukioq manna nalunaarummi qinnuteqaatit pingaarnertut Savalimmiuneersuppata, Kalaallit Nunaanneersuuppata imaluunniit Ålandimeersuuppata qinnuteqaatit pingaarnerutinneqassapput, kisianni aamma aaliagersimasumik qulequtaqarluni suliniummut projektimut aningaasanik qinnuteqaatit nunani avannarlerneersuuppata tikilluaqquneqarput. Aningaasanut qinnuteqaatit malittarisassat nalinginnaasut malillugit nalilersorneqassapput.
Suliniutinut akisuussaasuusoq tassaavoq NIKK pingaarnertut attaveqaataasoq, aningaasanik tunniussisuussaq, kiisalu suliniutini suleqatigiinnermi nalunaarusiamut kingullermut tingusisuusussaq. Suliniummik suleqatigiinnissami suliniutit qanoq agguataarneqarsimanersoq suleqatigiit akunnerminni namminneq aaqqissuutissavaat aaliagerlungillu namminneerlutik.
Nordisk LGBTI fordip suliniutit Nunani avannarlerni suleqatigiinnerit LGBTI-inut pisinnaatitaaffiit killilersorneqartarnerannut aaqqiissutissanik ujartuisut, kiisalu Nunani avannarlerni attaveqaatinut ataatsimoorfiusumillu ineriartortitsinermut tapersiisut tapersersorpai.
Aaliagersimasumik qulequtaqarkuni suliat projektet ass. makkuusinnaapput:
Safer Queer Cities Nunani Avannarlerni LGBTI toqqissisimanarnerusoq
Illoqarfimmi Reykjavík-imi misilittaalluni suliniut ilisimatuunut, politikkerinut, inuiaqatigiinni innuttaasunut, aaliagiisartullu peqatigalugit illoqarfimmik toqqissisimanarnerusumik pilersitsermi pilersaarusiorneq.
Safer Queer Cities
Nunat Avannarliit kitaanni attaveqaqatigiinneq vestnordisk feministit suleqatigiinnerat
Suliniummut peqataasut pingaarutillit Kalaallit Nunaanniit, Savalimmiuniit, Danmarkimiit Islandimillu peqataatillugit ataatsimiinneq matoqqasoq kiisalu ataatsimeersuarne ammasoq ingerlanneqarsimapput. Suliniummut siunertaalluni suleqatigiinnik nutaanik pilersitsinissaq.
West Nordic Feminist Network
Sápmi-imi suiaassutsit pillugit oqaluttuat allanngortinneri
Aaliagersimasumik qulequtaqarluni projekti suiaassutsinut tunngassuteqartut oqaluttuat annertuumik sunniuteqartartut unammillerniarneqarput, assigiinngitsunik isiginnittariaaseqarnikkut oqaluttuartunik misilittakkanillu saqqummiussinikkut. Gulahallat – oqaloqatigiinneq pillugu ileqqut atorlugit inuiaqatigiinnut assigiinngitsunut Sami akornanni oqaloqatigiittarfiit tassani pilersinneqarput.
Changing the Gender Narrative in Sápmi