Útbjóðing til umsóknir 2026

Liviumstøðurnar hjá LGBTI persónum verða ávirkaðar alt eftir hvørjum øki í Norðurlondum tey búgva. Í Føroyum, Grønlandi og Álandi eru serstakar avbjóðingar viðvíkjandi atgongd til stuðul, miðvísum tiltøkum og netverkum. Samstundis er vitanin um umstøðurnar hjá LGBTI fólki í Føroyum, Grønlandi og Álandi avmarkað, og tað ger tað torførari at tilevna miðvís tiltøk og virkisætlanir.

Síðani 2021 hevur norðurlendski LGBTI grunnurin fíggjað verkætlanir, sum hava havt sum endamál at viðgera trupulleikar og forðingar, sum avmarka javnrættindi og møguleikar fyri LGBTI fólk í Norðurlondum. Men í teimum verkætlanum, sum hava fingið fígging, eru felagsskapir úr Føroyum , Grønlandi og Álandi ikki so væl umboðaðir sum felagsskapir úr hinum Norðurlondunum.

Norðurlendska Ráðharraráðið hevur tessvegna gjørt av at senda eina miðvísa útbjóðing av játtanum ígjøgnum Norðurlendska lgbti-grunnin 2026. Ársins útbjóðing raðfestir umsóknir, har høvuðsumsøkjari kemur úr Føroyum, Grønlandi ella Álandi. Verkætlanarumsóknir, har høvuðsumsøkjari er úr øðrum landi enn Føroyum, Grønlandi ella Álandi eru eisini vælkomin at søkja stuðul úr grunninum.  

Útbjóðingin hevur hesi endamál: 

• At økja vitan um og fatan av málum, sum avmarka rættindi og møguleikar hjá LGBTI persónum í Føroyum, Grønlandi og Álandi.
• At útvega áhugapørtum í  Føroyum, Grønlandi og Álandi betri møguleikar at samstarva og samskifta um vitan
• At víðka og styrkja norðurlendskt samstarv um at virka fyri jøvnum rættindum og møguleikum hjá LGBTI persónum í Norðurlondum

Vit leita eftir felagsskapum, sum vilja menna vitan, arbeiðshættir og savningarstøð – við norðurlendskum samstarvi.

Søk um stuðul – og ger mun!

Treytir fyri at søkja

Verkætlanin má fata um minst tríggjar ymiskar felagsskapir úr í minsta lagi trimum Norðurlondum (ella í minsta lagi tveimum úr Norðurlondum og einum úr Estlandi, Letlandi ella Litava). Ársins útbjóðing raðfestir umsóknir, har høvuðsumsøkjarin kemur úr Føroyum, Grønlandi ella Álandi, men tekur annars væl ímóti verkætlanarumsóknum, har høvuðsumsøkjarin er úr øðrum Norðurlandi. Annars verða umsóknir viðgjørdar eftir vanligum reglum.

Hvussu allýsa vit  “leiðslufelagsskapur”?

Leiðslufelagsskapurin er tann verkætlanarparturin, sum NIKK fyri tað mesta samskiftir við og rindar fígging, og sum eisini hevur ábyrgd av at senda endaliga frágreiðing til NIKK, tá ið verkætlanin er liðug. Felagsskapirnir, sum eru við, kunnu Sínámillum gera av, hvussu uppgávur og fígging verða býtt teirra millum.

Hvat virksemi kann fáa fígging?

Norðurlendski  LGBTI grunnurin  stuðlar verkætlanum, sum byggja á norðurlendskt samstarv, har sum felagsskapir royna at viðgera trupulleikar og forðingar, sum avmarka javnrættindi og møguleikar hjá LGBTI fólki, og sum styrkja  norðurlendskt grundstøði og samhaldsfesti.

Verkætlanir kunna t.d. fata um:

• Sínámillum umbýti av vitan, háttaløgum og fyrimyndum
• Felags tiltøk sum fundir, ráðstevnur, verkstovur og venjingarskeið
• At stovna og menna norðurlendskar arbeiðsbólkar og netverk

Dømi um fíggjaðar verkætlanir:

Tryggari kvir býir arbeiðir fyri at gera Norðurlond tryggari hjá LGBTI fólki
Tey brúka Reykjavík sum royndarverkætlan, verkætlanin fevnir um  granskarar, politikarar, greinarar, býarmyndugleikar, fólk sum taka avgerðir og áhugapartar á staðnum til tess at menna eina virkisætlan fyri ein tryggari bý.

Safer Queer Cities

Eitt haldgott netverk av vesturnorðurlendskum kvinnurørslum
Verkætlanin beyð lykilspersónum og bólkum úr Grønlandi, Føroyum, Danmark og Íslandi til eitt afturlatið skeið og eina opna ráðstevnu við tí fyri eyga at eggja til at stovna nýggjar grasrótarbólkar.

West Nordic Feminist Network

Broyta kynsuppfatanina í Sápmi
Verkætlanin mótmælir tí ráðandi kynsuppfatanini í Sápmi samfelagnum við at vísa á fjølbroyttar røddir, áskoðanir og royndir. Við gulahallat – sum er sámasiðvenja í samrøðu – verða rúm gjørd, har ið menn, kvinnur og LGBTI fólk fáa hugsavnað seg um kynsímyndir, fyrimyndir og fjølbroytni við sámiskum fortreytum.

Changing the Gender Narrative in Sápmi